唐詩詠以結婚為目標
梁烈唯（唯唯）與太太Tina前晚在尖沙咀補擺喜酒，場內氣氛既浪漫又好玩，唯唯情深款款獻唱冧爆老婆，曾志偉、草蜢、彭健新等亦有上台與賓客們狂歡。阮兆祥及江欣燕於飲宴尾聲才到場，羅仲謙、黃心穎、李亞男等則於接近十二時起陸續離開。
唐詩詠稱因要揸車而冇飲酒，提到緋聞男友洪永城稱被她嫌棄有「咖喱味」，她說：「佢每次食飯都係咖喱，係佢自己鍾意食啫！（唔帶佢嚟飲？）無人請佢！（出席婚禮勾起結婚衝動？）有向呢個目標進發，但唔需要太快！（洪永城都係？）唔知呢，我希望搵到同一目標嘅人。」
曾國祥則解釋為何要賣甩老竇曾志偉：「佢喺上面做緊咪霸，最識搞氣氛。（佢冇醉？）冇，好精神！（你唔帶女友王敏奕嚟？）有諗過，但我同唯唯熟啫，佢唔識唯唯！」
