約丁蟹睇劇？ 秋官向錢看

經典神劇《大時代》重播至今仍受觀眾歡迎，隨住劇集漸入高潮，一班有份參演的演員亦想相約重聚睇大結局，身為靈魂人物的「丁蟹」鄭少秋，對於同劇的邵仲衡、楊羚等齊齊出席活動，他接受電話訪問時搞笑地謂：「做乜嘢，想搵我尋仇？（班演員想一齊約埋睇大結局！）好事，我就要睇時間，睇吓係咪重金禮聘啦！我好忙，時間配合可以考慮。（套劇依家進入高潮位！）我都同老婆一齊睇，睇番都開心。」不過對於有指欲找原班人馬再合作，秋官卻投反對票，坦言現時身體弗，若然要重現「丁蟹」大隻身形絕對say no！