黃翠如 嘲逼婚 太唔型

藝人黃翠如、龔嘉欣、張振朗和吳業坤等昨日為無綫劇集《愛‧回家》試造型。有報道指翠如BB向男友蕭正楠逼婚,她說:「我個人好崇尚型格生活,所以呢啲字唔好再用喺我度,太唔型喇。」又大呻二人工作忙相見難。

之前有份拍《愛》劇的龔嘉欣,今次會以另一個角色再度參演,為此她特意剪短頭髮及化濃妝:「我要搣甩妹妹仔嘅形象,想成熟番啲。」在劇中與何君誠爭龔嘉欣的張振朗昨日亦以新髮型示人,至於演龔嘉欣孖生細佬的吳業坤會「介入」家姐的感情線,阻止兩名追求者,他希望與張振朗擦出火花,張振朗聞言笑謂:「擦出愛火花!」