仙樂都拍拖熱身備戰床戲
o靚模仙樂都、組合FAITH等昨日出席餐廳開幕活動，仙樂都自爆已與將合作拍床戲的內地男星姚雨鑫見面，她坦言與對方有初戀感覺：「尋日（前日）我哋本來要開工，但因為落雨拍唔到，所以去咗深圳食嘢，好似拍拖咁，好開心。（有冇拖手？）有掂吓手仔。（有冇飲酒？）冇，佢唔飲酒。」
仙樂都透露電影將於六月中在港開拍，屆時將照顧對方的起居飲食。問到拍床戲時會否假戲真做？她說：「唔知，如果熟啲嘅話應該唔會尷尬。」而FAITH成員River將於6月4日21歲生日，他喜獲歌迷送上生日蛋糕預祝；另兩名成員Hiu Yong及Sky否認與被踢出局的舊將Wave不和。