鄭希怡囡囡改名子柔
鄭希怡（Yumiko）、鍾舒漫、陳嘉寶和模特兒Cara G.昨日出席活動，產後首度公開亮相的Yumiko，身形尚未回復產前狀態，她說：「仲差十零廿磅，咁多年嚟都未試過咁好肉地。」其女兒「梁浸浸」已經改了中文名「子柔」：「我同老公一人改一個字，子字係我改，老公就好鍾意個柔字，可能覺得我唔夠溫柔。」
新手媽咪Yumiko已開始習慣湊女生涯，定時三個鐘餵一次奶：「始終佢出世時身體麻麻地，所以佢瞓緊覺都整醒佢餵奶，依家BB六磅重，希望盡快追番健康體重。」為了女兒的健康，Yumiko堅持餵哺母乳，還說不會溺愛BB：「好似佢喊，我唔會即刻去抱，由得佢喊，試過最耐喊咗廿分鐘我都冇理佢，老公第一個忍唔住埋去，媽咪就係第二個，仲話我虐待個女。」她外出工作，老公便幫手湊女，令她感覺好sweet！
