陳嘉桓三點式留畀自己

藝人陳嘉桓(Rose)、王敏奕、馬天佑昨日出席活動,Rose透露將到泰國十日拍攝旅遊特輯,已準備了三點式泳衣作打底之用:「唔會着面,等我再出書時先着。留番畀自己,今次我係幫電視台拍旅遊特輯,唔同電視台有唔同觀眾,我驚有觀眾會睇唔到,如果自己出書先着,今次會騷吓長腿,三點式就下一步。」她又說夏天不着高鞋,相信會容易點識男仔,問Rose可會接受男仔比她矮,就像王祖藍與李亞男?她說:「溝通到最緊要,最好可以有eye contact,我唔抗拒任何高度。」

王敏奕則透露男友曾國祥早前在瑞士拍戲,買了一對情侶手錶送給她,而日前她將與男友拍拖吃韓燒的蜜照公開,她說:「嗰日我影完一輯相,係好期待嘅相,出o黎效果好好,好開心,佢都有o黎探班。」