ToNick突破玩認真
樂隊ToNick日前到電台宣傳新歌《一首歌》，透露此歌講一首歌的生命：「同埋講點樣面對音樂創作。（覺得喺香港做音樂難？）睇吓你想得到咩，做音樂唔難，但要令人知道你音樂想講嘅訊息最難。」
他們又表示此歌跟之前較為搞笑、輕鬆的路線不同：「呢隻歌無論題材、歌詞都認真啲，涉獵咗好多未試過嘅元素，係好成熟嘅作品。（嚟緊有咩想突破？）好多人覺得搞笑係突破，但對我哋嚟講試吓認真嘢係突破，想大家真係聽我哋嘅音樂，因為之前好多時大家都只係攞到笑嘅感覺，但今次我哋想有啲深層次嘅思考問題。」他們謂暫時歌迷對是次新嘗試都有不錯的反應，亦透露今年內會出新碟和開音樂會。