王嘉儀回歸樂壇等出碟
曾參加《超級巨聲》的歌手王嘉儀日前出席慈善活動，今年將於中大畢業的她透露會重新活躍樂壇：「會同大家分享番我嘅音樂。（今年會唔會出碟？）自己一直都寫咗三、四十首歌，唔知會唔會出碟，但起碼會出EP或者single，出四首歌咁，希望今年出到。（想參加啲內地歌唱比賽節目？）隨緣啦，機會o黎到唔會拒絕，但依家未到時候，所以繼續努力。」
另外，嘉儀透露現時有跟趙增熹學習製作音樂，問到出名要求高的阿熹是否很嚴厲？她笑言：「唔係呀，好多人以為佢好惡，但佢係超級輕鬆，我成日講爛gag逼佢笑，佢都有和應我，我將佢潛在嘅幽默感散發出o黎。」但她亦強調阿熹在錄音室工作時是很認真。