Cheronna網上交友
組合Super Girls日前出席科技活動，透露經常上網和用電話跟家人談天，成員Jessica自爆大時大節會向身在外國讀書的妹妹晒命：「我哋過時過節會視像會議，新年食緊飯就影啲嘢食相佢睇，佢就會喊晒，跟住就會影番佢啲利是畀佢睇氹番佢。」Aka亦附和謂媽媽就像Jessica般：「佢去日本旅行會影好多魚生，而我就會影住我食緊公仔麵。」
問到可有上網識朋友？Cheronna則指讀書時上網認識一班馬來西亞朋友，現時仍是朋友：「我諗識咗都有7、8年，但第一次見面就係我去馬來西亞拍戲嗰陣，佢哋都非常支持我哋，喺嗰邊買晒我哋嘅CD。」Heidi亦謂身邊有朋友成功譜出網上情緣，問到她們可會嘗試？Yanny則謂：「如果第時老咗我哋都未搵到另一半，可以試吓。」