高海寧爆衫誘惑 金剛頂唔住
藝人高海寧（高Ling）、金剛、陳智燊及阮小儀等昨日為新劇試造型，期間金剛大放笑彈，口音不正的他先把怕醜的智燊（Jason）封為「啫神」，更「警告」谷胸登場的高Ling不准於劇內「爆衫」！
無綫新劇《愛情食物鏈》昨日安排演員金剛、阮小儀、高Ling、陳智燊、何雁詩、張振朗等試造型，期間口音不正的金剛誤把Jason讀成「啫神」，令對方尷尬面紅，場面爆笑！被封「啫神」的Jason直言笑到標淚：「忍唔到笑，眼淚都流埋！（金剛話你只有「虛名」？）都係笑，大家開心！」而身旁小儀即「開黃腔」附和：「套劇唔止有啫神，仲有『啫叔』（劇中演Jason叔叔的鄭子誠）。得冬天先會見到佢！」
Jason咀小儀不介意
擔任女主角的小儀大爆在劇中與Jason及金剛談情，問到小儀會否與Jason上演咀戲？她否認並笑謂怕對方要向女友宋熙年交代。Jason聞言笑指若女友得知其咀戲對象是小儀，就應該不會介意。
至於谷胸晒線亮相的高Ling於劇中與金剛及陳智燊等開展感情線。問她與金剛拍劇會否擔心？她笑言要求對方不要爆肚，否則擔心會爆笑收場。而金剛則搞笑警告高Ling不准「爆衫」：「咁你唔好爆衫，我哋會頂唔住！」
問到金剛會否擔心女友蕊蕊呷醋？他笑說：「做嘢使咩報告，我哋呢套唔係動作片嚟o架！」而劇中他要高攀高Ling，問他會否介意被標籤為質素低下的男士？首任男主角的金剛爆笑自認靚仔：「冇所謂！（首次做男主角？）我都唔相信！」
文：影視組