霆鋒慈父上身 教細路整餅
星級廚神謝霆鋒昨日現身酒店，首次義賣自家創立的品牌「鋒味」曲奇，為慈善機構舉辦的廚師精英匯演作籌款，並即捐出一百萬港元。在活動期間，霆鋒即場與小朋友炮製曲奇餅，還被經理人霍汶希（Mani）取笑從未見過霆鋒露出一副慈父相。霆鋒在台上談到從小開始就不懂得跟朋友分享，但透過食物就能夠對朋友、同事、家人放開自己。
改善親子關係
接受訪問時，當問到霆鋒是否下廚後令自己人生改變了許多？他坦言：「係唔同咗，自己唔係一個擅於表達嘅人，呢個平台畀我同爸媽關係好咗，透過節目同美食潮流同小朋友講除咗電腦外，都仲有好多嘢，可以同食物好多交流，係好可貴。」當提到早前四哥被拍到親臨霆鋒的曲奇店，他指不知情，但早期都有叫四哥為曲奇試味，而自己都花了很多心血研究。
被取笑要求高
在旁的Mani笑指霆鋒要求高：「人哋焗曲奇15分鐘至20分鐘，佢就焗７、８個字！」提到霆鋒下廚可有更多秘訣？他笑言：「有啲想法。（煮畀心愛嘅人？）煮出嚟都係畀身邊嘅人。（王菲有冇見識過你手勢？）唔答喇，枱面有好多刀刀叉叉。」至於問到兩個囝囝的近況，霆鋒謂：「都OK。（有冇試過你整嘅曲奇？）冇呀，唔講佢哋喇今日。（Mani話未見過你咁慈父。）Mani少見我呢個樣，平時見我殺人嘅樣。」
另外，問到Mani有關蔡卓妍與陳偉霆的戀情，她就澄清兩人感情穩定，亦指兩人工作繁忙，而陳偉霆就會接拍兩部電影。
文：音樂組