梁烈唯影婚照 唔理老婆掛住Chok
梁烈唯於本月29日與太太Tina筵開52席婚宴，早前二人到台灣影婚紗相，唯唯笑言太太雖然面對鏡頭不習慣，但自己都愛莫能助，掛住自Chok。
梁烈唯與女友Tina相戀13年，感情一直有增冇減。昨日適逢二人拍拖13周年的紀念日，特意向傳媒發放早前於台灣拍攝的婚紗照，當中不乏咀嘴相擁甜蜜相。二人去年初註冊後，已定於本月29日在香港筵開52席大宴親朋，當日的兄弟姊妹團分別有袁偉豪、黃長興，林盛斌，陳敏之、胡定欣等，相信屆時場面必定溫馨又熱鬧。
之前冇去過台灣
唯唯昨日接受記者電話訪問，他指今次婚紗相的造型由他負責，因太太始終不是幕前，不習慣面對鏡頭。唯唯說：「我都幫唔到佢，只係掛住自己Chok。」由於太太喜歡台灣，他又未去過，故選擇此地影相。問為何以前不跟太太去台灣旅行？唯唯說：「以前冇錢嘛，呢兩年好啲，但又成日工作冇時間，我哋咁耐都係去咗2次旅行。今次我哋影咗一個星期，個攝影師朋友好好，陪我哋半玩半影。」
文：影視組