張建聲被鬧醒 「踎監」冇有怕

張建聲（Justin）為角色由Fit爆的140磅增至200磅，他憶述當時要校鬧鐘凌晨起床吃東西，過程痛苦，加上電影延期一年開拍，變相「雪藏」，雖失曝光率，但他自覺擺脫稚氣：「價值觀、待人接物都唔同咗，鍾意依家嘅自己。」首次飾演大奸角的Justin更有連場打鬥戲份，富挑戰性：「我當時200磅嘅身形去打都幾吃力，加上未試過做奸角，開頭有啲驚，依家睇到成果都滿意嘅。」

冇晒私隱嗌崩潰

早前Justin為宣傳電影，不惜在由貨車改裝而成的監房，模仿「踎監」生活三日三夜。一向玩得捱得的他坦言過程辛苦：「好難過，被人望住冇晒私隱，個感受係非筆墨能形容，好崩潰！到依家過咗幾日我個人都好唔精神、好唔舒服，係好痛苦嘅回憶。 」

曾主演多部三級片的Justin工作時曾遇到不屑目光：「會覺得我係三級片演員，唔專業、發明星夢。」更試過被導演胡耀輝當眾大鬧，他謂：「以前貪玩，成日夜蒲，出街都搞到好似登台咁，佢好唔鍾意我，鬧到我無地自容。開始諗自己有咩問題，佢點醒我，想做好角色要放低一啲包袱。」

場地：OCEAN THREE@觀塘

化妝：Fion Lai@Eternal Blessing

服裝：Topman_hk

文：東網組