李逸朗為朱晨麗講好話
藝人李逸朗（Don）及麥貝夷昨日出席尼泊爾賑災慈善籌款相展，呼籲市民慷慨解囊的他們獲大會頒發感謝狀。Don曾與前港姐朱晨麗傳緋聞，他坦言雙方是好友，故一直保持聯絡，之後又主動為對方澄清被指突然富貴一事：「有雜誌話佢參加豪華團又買樓，其實買樓佢都係畀完首期再供啫，幫佢做借貸嘅係我朋友，係我介紹嘅！」
講到朱晨麗非常信任他，Don笑言：「信得過我朋友啫。（一齊供樓？）真係唔係。（一齊？）唔係，但有朋友需要幫忙，咁我咪介紹啲可靠嘅人囉。（佢突然富貴？）我諗唔係喇，身為藝人，累積到財富去旅行都好合理！」
