林子祥歡迎煇哥回歸

林子祥(阿Lam)前晚擔任重量級嘉賓,獻唱煇哥作品《抉擇》,他祝福煇哥永遠身體健康,並笑言:「如果煇哥嘅退休生活覺得悶就要返嚟香港啦,好多朋友鍾意你啲歌!」阿Lam自爆認識煇哥40年,從未見過對方發脾氣及動火,大讚煇哥脾氣一流及斯文。

提到煇哥榮休在即,阿Lam感觸道:「個個都會退休,如果我都有呢日,真係退就最好唔再返嚟!(你諗過退休?)未有,仲有創新靈感就唔需要諗,我仲做緊嘢,好精神。」他預告今年入行四十周年,決定於明年一月假紅館舉行四十周年演唱會。