Crystal袋百萬解封事業線

前組合HotCha成員張紋嘉(Crystal)單飛後大解放,將「封塵」4年的事業線呈現人前,穿上泳裝的她讓33B天然胸,在千萬遊艇上「盪吓盪吓」吹海風。單身多年的Crystal又巧遇同船的大隻猛男及「王子」,惜頭暈、眼花而錯失「獵仔」機會。

前組合HotCha自2011年推出三點式性感寫真後,三女鮮有再以泳裝示人。有謂「密乳」罕為貴,日前Crystal袋近7位數酬勞、接苗僑偉的干邑品牌威利來棒,以中港代言人身份拍廣告。雖當天她在泳衣外加開胸T恤,但質地透薄,事業線冇被活埋,加上全日在遊艇上拍攝,33B豐胸隨波蕩漾,相當誘人。

恨拍床戲

首次單飛拍廣告的Crystal自認身材更勝當年:「我都覺得事業線長咗,但我冇整(隆胸)o架。另一個party造型,嗰條低胸裙本身有墊,加個nu bra就好厲害,我冇戴3個bra,因為怕焗死。」問她可會再進一步性感?她不諱言可接受行泳裝騷,更恨拍床戲:「我長期失眠,好想拍床褥廣告,最好有埋食品同護膚廣告啦,因為我好鍾意食嘢同皮膚差,最迫切係賺錢買樓。」

被靚仔圍

Crystal在遊艇上拍攝時鬧出不少笑話,自爆見識少,見豪裝遊艇即「嘩嘩聲」,令人側目,她謂:「咁我從來冇富二代請我出海玩嘛。」她又興奮表示開心被靚仔圍,不少更是大隻猛男,還有前「新聞王子」柳俊江任廣告導演。問到可有趁機(目及)仔?她扁嘴謂:「冇呀,嗰日我唔記得食暈浪丸,拍一日就暈足半日,好想嘔,不過我忍住,但冇心機再識新朋友。」

文:音樂組