王宗堯選「監躉」：想睇佢發癲！

藝人王宗堯、張建聲、林芊妤（Coffee）、吳志雄等昨日於旺角街頭為電影《壹獄壹世界》進行招募「監躉」大行動，王宗堯被問選「監躉」的準則？他說：「因為24小時直播，想睇吓佢有咩才藝表演，同埋想睇佢點樣發癲！希望有預期之外嘅驚喜！」

而Coffee則想睇女仔「坐監」，直言想試「坐監」的她就擔心上廁所及睡覺的問題，又怕被龍友偷影相，且被看到無化妝及帶眼鏡的樣子。至於親身坐會要求多少酬金？她說：「十萬啦，坐七日！」被王宗堯踢爆她在股票市場大有斬獲的她，笑指若「坐監」最擔心冇得睇股票，最好準備一部股票機給她。

曾為電影宣傳而「坐監」三日的張建聲，就表示想有「騎呢」的參賽者，他說：「希望佢會識發揮水飯房有嘅資源，例如我用水樽做啞鈴，想佢喺裏面做體操同倒立！」又笑指2萬元坐七日已足夠，因擔心對方坐太耐監會影響正職。

同場的吳志雄被問到要酬勞多少會考慮坐？他笑謂：「我坐就50萬啦！（幾耐？）幾耐都得啦，三個月！我以前坐監都無錢收嘅！」

文：影視組