張嘉兒九月嫁金融才俊

2007年港姐冠軍張嘉兒，昨日接受本報電話訪問時，難掩準新娘喜悅，聽到記者恭喜她，她即說：「多謝晒！（Nate早喺兩年前已經向你求婚？）係，但上次我哋返溫哥華嗰陣，佢同我爹哋、媽咪提親，令我覺得好sweet！」嘉兒早前與Nate在香港拍攝靚靚婚紗照，照片中嘉兒穿上單邊膊拖尾婚紗，與老公遠赴海邊、石灘取景，人靚景靚，不少圈中人看過都畀Like！

香港補擺喜酒

嘉兒昨晚出席慧妍雅集慈善晚宴，仍難掩喜悅，她說：「好開心，我終於結婚喇！上年家姐結婚，今年到我，排住隊！（婚禮籌備成點？）九月會喺溫哥華註冊同行禮，因為雙方家人都喺溫哥華，之後會返香港補擺酒。」

張嘉兒將於九月在溫哥華註冊及行禮。	張嘉兒去年與Nate到南非預支蜜月。（資料圖片）	待嫁的張嘉兒昨晚出席慧妍雅集慈善晚宴，透露會在港補擺喜酒。

嘉兒更分享Nate求婚的浪漫細節：「佢喺郵輪上求婚，邊睇住電話篇稿邊讀愛的宣言，我都邊聽邊喊。（求婚戒指幾卡？）唔清楚，幾多卡都會Say Yes！（婚後做少奶奶？）除咗做少奶奶，都會想繼續做嘢，因為要有生產力。（生B？）暫時二人世界先，父母都冇催，但姨丈話想我雙喜臨門喎！」

圈中好友祝福

其實嘉兒昨早在微博上公布婚訊後，已獲圈中好友陳法蓉及岑杏賢等第一時間送上祝福，看到嘉兒寫道：「原來茜伊（嘉兒在劇集《愛．回家》中的角色名）沒有騙人，真係有命中註定ga！Yes, I am getting married! I am so blessed to have found you in my life, thank you for choosing me Nate！（是的，我要結婚了！我很幸運地在我的生命找到你，感謝Nate你選擇我！）」不少網友也戥嘉兒覓得如意郎君感高興。

文：影視組