軒仔牙擦累事炒車險破相

佘詩曼直言沒有留意舊愛鄭嘉穎與陳凱琳的緋聞。

歌手張敬軒（軒仔）、藝人佘詩曼、甄子丹太太汪詩詩、貝安琪、黃美棋等，昨日齊齊出席彩妝品牌活動，軒仔自爆上星期踩單車時遇上意外，險些破相：「傷咗右邊面，依家都有條痕，不過今日（昨日）遮咗咋，炒車嗰陣個人飛到3、4呎遠，好彩有戴頭盔，其實因為嗰陣冇乜人，我自己又由細到大喺內地踩單車大，所以雙手不嬲都係可以放開咁踩，點知遇到有個石壆就跌低咗，嗰刻即時九秒九執番個樣，醫生話好彩傷得唔深，差啲就破相，（下次做足安全措施？）做足咗啦，下次唔會咁牙擦，今次係牙擦累事，本身諗住騷花式單車，點知騷咗花式炒車。」

詩詩想買通泰臣

而阿佘表示仍忙於拍攝電影《十月初五的月光》，將於五月下旬完工：「遲啲會去澳門最高嘅旅遊塔度拍，（跳落嚟？）呢個要賣關子，（你畏高喎！）畏高係其次同可以克服，係驚條頸同條腰嘅舊患復發，唔想再整親。」問到有否留意舊愛鄭嘉穎和港姐陳凱琳（Grace）的緋聞？她表示：「冇留意佢哋嘅進展，（對Grace點睇？）冇合作過，冇特別留意。」

汪詩詩（中）與表妹湛琪清密實上陣，貝安琪（右）則性感透視deep V。	軒仔右邊臉蛋受損，險些破相！	黃美棋騷quali晒香肩。

詩詩則透露日前因身體不適，故沒有現身上海支持子丹和前拳王泰臣的《葉問3》記招，還表示將為子丹買重保險，又謂正度期前去探班，續笑稱：「要同佢（泰臣）傾吓，叫佢就住，送啲禮物畀佢，同佢friend啲。」

文：名人組