魏駿傑酸爆：我都多女埋身

現年47歲的藝人魏駿傑2008年迎娶年輕廿載的重慶女友張利華，婚後育有一女，不過幸福生活似乎藏着暗湧，今期《好報》獨家爆出張利華與東亞運金牌單車手鄧宏業過從甚密，並拍到二人多次出雙入對，女方披着男方外套用餐，完餐後拍到男方為女方「拎手袋」和「攬腰」，關係友好。有傳駿傑與太太正陷七年之癢，婚姻亮起紅燈。

叫老婆避忌

昨日聯絡上身在西安的魏駿傑，他強調不認識鄧宏業，對於七年之癢，他說：「冇呢啲，我自己成日見到靚女都痕啦，不過唔搞得咋嘛。我都型型哋，好多女仔都會主動埋身，但我都拒絕，我年紀唔細、要收心養性。生咗個女後我變晒、收晒火，同太太嗌交都就晒佢。（叫太太避忌吓？）自己識得避忌啦，畀人影埋相出嚟，唔使我教呀？」

張利華昨日手挽名牌手袋匆匆入屋。	張利華與單車手鄧宏業出雙入對。	鄧宏業替張利華攞手袋。

問看到報道是否不高興，他酸溜溜說：「冇乜嘢，都係咁。男士風度啫，又唔係咀又唔係錫，係就出事。結婚耐咗，呢個階段我啲心思畀晒佢（囡囡），我咁大年紀生佢出嚟有責任。」

魏駿傑與張利華於2008年結婚。

《好報》今期獨家踢爆魏駿傑太太夜會單車名將，還親密攬腰。

坦承會鬧交

事件女主角張利華昨午約二時駕車與女兒Jessica返回西貢寓所，記者上前求證，她說：「有睇過（報道），但我哋係正常朋友。（佢攬你腰？）唔係，我哋係正常朋友。（擔心老公嬲？）唔會，佢好明白，我有同佢交代。（七年之癢？）每人都會鬧交，咁鬧完交之後唔會影響到感情，始終係一家人。」

文：影視組