秋官認有五百億身家:話冇咪好冇面?

無綫節目《Sunday靚聲王》前晚錄影,主持之一的鄭少秋(秋官)因神劇《大時代》重播而被起底,指他有五億身家,他笑說:「點止呀!五百億先啱,話冇咪好冇面?呢個係『丁蟹』作風。

其實有我都唔撈啦,仲使咁辛苦。」《大》劇上周最高8點收視,破盡深宵劇紀錄,秋官說:「幾好呀,我老婆以前唔鍾意睇,依家睇番都佩服我咁溫文爾雅可以做到咁粗豪。(拍電影版?)我做唔到以前咁大隻,睇吓點先。(拍《天若有情4》?)冇傾過,唔知。」秋官回應被指爆阿姐咪嘴時笑說:「我以前都因為唱得太好畀人話咪嘴,你哋要讚阿姐咪直接讚囉,硬係要話我講嘅。」