林憶蓮 安仔癡纏合唱
許志安一連四場「Come On許志安演唱會2015」前晚圓滿落幕，吸引鄺美雲、梁漢文、張衞健、劉浩龍及杜德偉等人捧場，尾場安仔請來重量級天后林憶蓮任嘉賓，拖手合唱《至少還有你》，安仔緊張得口震震說：「我依家拖住佢隻手，係咪好唔應該？今日可以喺呢個台一齊合唱，簡直係成全咗我夢想。」之後二人埋身熱舞，憶蓮興奮扭籮拍手，安仔從後輕攬其小蠻腰，貼頭唱歌。
完騷訪問時，提到BIG FOUR三子在第二場騷向他「催生」，又教路按穴壯陽，安仔笑說：「呢三隻嘢搞到我係咁笑，聲帶都傷晒。（被笑飲人奶？）想掌佢哋嘴，亂講嘢！」而被指「撞樣」的安仔與杜德偉在後台作狀咀嘴合照。
