藝人白健恩前晚出席首飾活動，並獲品牌老闆送贈頸鏈，而他則以自己的唱片作回禮。白健恩自爆早前曾被粉絲搶去品牌送的另一條頸鏈：「我最近簽咗新嘅內地經理人公司，主力喺內地登台，就喺登台時被粉絲搶咗條頸鏈。（有冇人乘機抽水？）咁又冇，但啲粉絲畀我想像中熱情，最多係拉手同拉褲，好在有保安圍住，我想送相同CD畀粉絲，未夠10秒已經畀人搶晒，但都好開心。（內地好多潛規則，使唔使陪客？）冇，最多係要求合照。」此外，白健恩稱新公司將開拍電影《夜店風雲》，他會擔任其中一角。
