美棋BB日吹夜吹懸浮朱古力

「宅男女神」黃美棋早前發起「一日一任務」,玩上癮的她再接受朋友提出的高難度任務「吹起朱古力波」!美棋在台灣旅行期間投入練習嚇窒同行父母,更在景點引來圍觀,最終挑戰成功的她急急拍片為證。

黃美棋早前請父母遊台灣,在四日三夜的行程中遊遍九份、十分與北投等地。早前發起「一日一任務」玩上癮的她,在朋友提議下挑戰難度極高的「吹起麥提莎朱古力」任務。美棋BB在旅程期間抽空練習,她坦言充滿難度:「最初吹唔起,要hold住粒朱古力喺半空好有難度,但真係好好玩。」她笑言遊覽台灣景點時亦繼續練習,被父母及不少路人白眼。

維持六秒

美棋BB沒有白費努力,最終在北投浸溫泉時成功挑戰維持六秒。問到有何秘訣?她笑說:「要好長氣,啖氣要好穩先hold到。」她又大談失敗經驗說:「有時都會NG,粒朱古力會鯁喉,仲會跌番落嚟打中塊面。」

勁冧台男

美棋BB自爆遊台時遇「騙案」:「去行夜市被人呃,買生果嘅人呃秤,幾粒番石榴用咗三位數字!自己細細粒但睇中條長裙,但個男sales係咁讚,最終耳仔軟買咗!」但今次經驗未有損她對台男的印象,更大讚台男對待女士溫柔。問她接不接受異地戀?她說:「OK呀,一、兩個鐘飛機就見到。(今次有艷遇?)冇呀,但遇到個『台灣余文樂』,個男仔知我係藝人,佢問番我佢似邊個藝人,我覺得佢似余文樂,高高大大咁,佢聽到就畀咗個五折我。」

文:影視組