馬詩慧期待仔女窩心禮物

母親節將近,身為三名子女的名模母親馬詩慧(Janet)表示今年可以一家五口慶祝,笑言:「一年得兩個節日我可以話事去邊度食飯,就係生日同母親節,今年決定食一餐豐富嘅中菜。」Janet透露以往都收到子女在「社交平台」的禮物:「喺Facebook鋪相同寫嘢,但我最想收到係佢哋親自寫同畫嘅卡做禮物,會更有心,我個人比較old fashion。」

早前Janet與大女王曼喜(Kayla)及孻仔王躍穎(Kadin)一同為《好報》接受獨家專訪,她大談當母親的點滴及與子女的相處之道,當中更提到Kayla去年宣布「出櫃」及連串有關與女友拍拖的報道,Janet坦言當初得知女兒是同性戀時深感難過:「但既然我愛個女就要接受,愛係包容,呢件事之後令我哋感情close咗。」而Kayla和Kadin亦分享Janet「時而做媽咪,時而做朋友」的母親之情,大讚她是個99.9分稱職媽咪。