婷婷求戀期享受單身
謝婷婷昨晚現身派對時表示，與前男友戴尚安分手後，舊同學們不時介紹男仔給她認識，但現階段非常享受單身生活，暗示花了不少時間在上一段戀情中。
藝人謝婷婷、徐縈濠、王敏奕、歌手陳曉東及名媛李依琳等，昨晚出席品牌派對。婷婷自去年11月與前男友戴尚安（Sean）分手後，單身不足半年，日前便被本報獨家拍到與六呎混血猛男約會，溫馨上樓共聚兩小時。問到是否再度覓得真愛？婷婷指該猛男是其在加拿大讀書時認識的同學，兩人雖然相識多年，但對方早已有家室及育有一名女兒，故兩人並沒有發展的可能。
半年見一次姪仔
問到會否希望盡快結婚生子？婷婷似乎有所暗示，指花了不少時間在上一段戀情中：「搵咗partner先。（有冇人追？）冇呀！我個同學上次仲話介紹男仔畀我識，我話唔使啦，我依家好享受單身，因為對上嘅戀情share咗好多時間。」
而談及爸爸謝賢最近受訪時指很久沒見過兩名乖孫，她則指爸爸因有工作在身，才沒時間飛往新加坡探望：「可能媽咪（拉姑）見嘅機會大啲。（你平均幾耐見一次姪仔？）半年一次，上次去新加坡趕唔切見佢哋，不過佢哋有send相畀我睇，好開心。」
東東8月添羊女
而同場的陳曉東透露懷第二胎的太太預產期在八月底，今胎也是女，問到會否有追仔的壓力？東東表示：「壓力係怕自己教得唔好，屋企又冇話一定要生仔，同埋我發現原來女係好黐爹哋。（老婆會唔會呷醋？）成日都呷醋o架啦！（點氹佢？）唔使氹o架。（已改好名？）未呀，諗住叫羊羊，因為今年羊年。」另外，徐濠縈談到母親節將至，計劃當日與囡囡一同行山慶祝，雖然陳奕迅當日需在外地舉行演唱會，但仍期望可以三代同堂一同食飯。
文：名人組