小儀晒三點式 金剛倒着T-back
金剛、阮小儀、鄧佩儀及張秀文等昨日出席節目《街坊廚神舌戰新台韓》記者會，基於類似節目反應不俗，令眾人對今次收視信心大增，身為主持的金剛與小儀誇口表示若收視達50點，不介意分別穿T-back及比堅尼慶祝，身材圓潤的小儀笑指不用操弗：「相信都冇人會咁樣着！」金剛則笑言要把T-back掉轉穿。
大便成共同話題
談到早前到新加坡拍外景，小儀表示每日難忍美食當前，結果身形矮小的她肥了8磅回來，她謂：「好唔開心呀，有日仲見到啲手指腫到冇紋！」金剛就皺眉頭指每日進食太多，令其大便極不暢通，小儀亦搭嘴謂：「想食菜都冇位『攝』，我有帶酵素去食，都有畀金剛食，每日我哋一見面就交流去大便心得。」她更指下月將出發到韓國拍攝節目，曾志偉將會擔任嘉賓。
鄧佩儀不敵香香
鄧佩儀則對於神劇《大時代》於深宵重播大感興奮，對於無有意開拍電影版，佩儀表示也想參演慳妹一角，但當獲悉該角色意屬岑麗香時，佩儀即打退堂鼓謂：「咁我唔夠佢嚟，我演戲經驗未夠，只拍過一套劇，所以都係一步一步嚟，同埋套劇咁經典，不過如果有角色啱客串都OK！」張秀文就透露節目中擔任金剛的助手，但就要不時糾正對方的不純正英文。
文：影視組