48歲溫碧霞出巡跌膊濕平

出道30多年的溫碧霞，由o靚妹仔開始拍戲，至今48歲年近半百，依然keep住美貌和驕人身材，而她亦樂於以性感打扮示人。溫碧霞出席公開活動時往往賣力展示其成熟美態，原來平時行街shopping一樣大方益街坊，穿得相當清涼。

再現「海潮」look

昨日下午5時半，披散一頭長髮的溫碧霞現身中環逛商場，一襲白色上衣襯短褲大晒美腿，正面平平無奇，誰知她一個轉身，原來背後是大露背！整個白滑靚背任睇唔嬲，肩上的吊帶則誘人地跟隨其步伐邊行邊跌膊，經典「海潮」跌膊場面於商場又再上演。

把戰利品交給司機時白滑玉背任睇！	溫碧霞掛住揀新衫，卻不知手上的衫拖晒地。	溫碧霞發現邊行邊跌膊，即用手在街上整理。

新衫拖晒地照試穿

溫碧霞一身性感打扮令不少途人好奇打量，不過當事人懶理途人眼光，從容地步入平民時裝店揀靚衫，只見她對衫、褲、裙乜都有興趣，火速搜羅一大堆新衫，揀得投入之際連手上的衫拖晒地亦不察覺，隨即進入試身室試穿，搞足成個鐘，貪靚的她買了一大袋戰利品步出，然後便行去商場外，由司機接過戰利品後，登上七人車走人。

文、攝：追蹤組