前無綫藝人林芊妤（Coffee）昨日被發現購入長實新樓盤「緻藍天」一個價值800多萬的4房單位，對只是做瑜伽導師的Coffee而言可謂財來自有方，她事後受訪稱清者自清：「目標想買600幾萬單位，但要抽三次籤先有機會揀樓，細單位畀人買晒，得番啲大單位，我咪唯有揀800幾萬囉！（重負擔？）同父母一齊畀首期同供樓，（賺到咁多錢？）其實我股票都賺到啲！（六位數？）都有啦！唔講太詳細啦，我阿爸叫我唔好講咁多！（怕非議？）都係，總之行得正企得正！」
