秋官驚跌轉口風 返屋企發功

由鄭少秋（秋官）主演劇集《大時代》，每逢播出均會股市大跌，造成「丁蟹效應」。劇集將於今天深夜重播，歐美股市已於上周五急跌，道指曾跌逾200點，恒指夜期更急插近700點，故預計今日港股開市亦「凶多吉少」。但由於人民銀行昨日宣布由今日起，下調人民幣存款準備金率1個百分點，將有利今天的中港股市走勢，令股市更添變數。股市今早揭盅，一眾星級股民昨日已做足心理準備，應對變幻莫測的股市發展。

本身已持有七、八隻股票的藝人莊思敏，雖然亦怕「丁蟹效應」，但她卻揚言今次股市不一定會跌，反而會徘徊。樂觀的她相信恒指長遠可過三萬點，故即使今天開市後跌市，她亦不會把手頭上的股票沽出。她說：「我反而想趁低吸納一啲穩陣嘅銀行股，例如渣打（2888）同工商銀行（1398）。至於我之前2個幾買嘅阿里影業（1060），我暫時都唔會放，除非升到過5蚊。」

早前揚言股市會升的鄭少秋，突然一改口風話要睇清楚個勢先。	莊思敏睇好股市只會徘徊，不會大瀉，更有意趁低吸納銀行股。	官晶華笑言對股市波動暫未有應變方案。

劉松仁見好就收

而向來有投資股票的「中國小姐」趙哲妤，亦坦言怕受「丁蟹效應」影響：「我星期一會沽貨，咁多人低價放，個市會跌，然後我就會趁低吸納。其實個市啱啱急升，回吐一下都好正常，多謝秋官畀機會我入貨！」對於恒指夜期大跌，她亦略有心得：「睇吓佢跌幾多點，如果過千點，隔日即使佢升番少少，我都會入貨。如果持續跌勢，就直接分階段入貨。」而《大》中演股票大亨方進新的藝人劉松仁，則勸告各股民見好便收，別讓勝利沖昏頭腦。

官晶華死守唔賣

至於《大》飾演丁蟹的藝人鄭少秋，雖然早前揚言相信股市會升，但昨日錄影無節目《Sunday靚聲王》時卻一改口風，並笑言要回家發功：「個勢就唔會跌，我再睇清楚個勢先！（星期一會沽？）要問老婆（官晶華）先知！佢知道《大》重播，佢話信（丁蟹效應）就傻！」官晶華昨日於電話訪問中，坦言不太在意「丁蟹效應」，問到對股市波動有何準備？她說：「冇咩應變喎，上落賺少少。（沽定守？）唔會賣啦，自己都係平民百姓，投資股票都係好少錢。」

文：名人組