梁朝偉張家輝戴超勁chok
本屆金像獎紅地氈星光熠熠，兩大影帝級人馬梁朝偉及張家輝亦現身支持。戴上墨鏡的偉仔被問到眼鏡是否是晚造型的一部分時，他笑答：「唔係，係現場啲燈光刺眼啫。」
至於同樣戴上墨鏡的家輝則一身「牛仔look」，與郭采潔casual踏紅氈，本來型仔非常，但中途竟不顧儀態踎低縛鞋帶，雖然場面搞笑，卻令身旁的郭采潔不知如何是好；之後偉仔與吳君如獲頒「最佳衣着獎」，君如對獲獎感意外：「當時我人有三急想去廁所，有工作人員捉我去前台話有嘢畀我，真係冇諗過，要多謝個女，因為條裙係佢揀。（你之前封后唔小心露點，今晚會唔會？）攞咗先露。」
