許志安5位老婆變一個

歌手許志安與蔡卓妍前晚現身奧迪香港舉行的Audi TT新車揭幕派對，同場還有品牌大使兼賽車手李英健及品牌董事總經理康博睿。

自爆驚險（火羅）事

愛車之人安仔自細已是車迷：「記得細個屋企樓下係個廢車場，一到暑假我就會衝落去玩，當啲車係自己嘅。」就連拍拖最喜歡的節目亦是遊車河，既慳錢又可以四圍去，但他自爆曾發生（火羅）事：「有次懶浪漫去兜風，兜兜吓去咗墳場，前面係掘頭路，退後時撞到啲紅色嘅嘢，最後扭咗五、六手軚先出到去，以後都要小心啲。」

許志安與奧迪香港品牌大使李英健（左）、奧迪香港董事總經理康博睿（右二）及蔡卓妍在新車揭幕派對中舉杯。

放大圖片

安仔稱高峰期擁有五架車，當年只想擁有，卻未有享受到真正的駕駛樂趣：「依家我得一架車，同以前追求嘅嘢唔同，我會一架換一架，咁先對得住架車。」

完個唱去旅行

舉行個唱在即的他，被問完成個唱後會否買車獎勵自己？安仔坦言：「最多諗去邊度食飯慶祝咋，你哋咁講，都可以考慮吓！我想做完演唱會去旅行輕鬆吓。（你喺外地旅行曾畀人影到着泳褲，今次改去隱蔽啲嘅地方？）去啲凍嘅地方啦，就算影都係影到我戴頸巾啫。」

另外，日前安仔接受電台訪問時坦承經歷過很多事業低潮，包括華星時期因唱片銷量欠佳，險遭解約，幸憑《翻騰》一曲挽回事業。

文：名人組