沈震軒受感染搵拖拍
在新歌MV中冧爆唱情歌的藝人沈震軒（Sammy），自爆已有追求目標：「希望一步一步嚟！都係嗰句，莫道你在選擇人，人亦能選擇你呀嘛！」不過就不願透露對方是否圈內人，只笑言是女性。自詡事業狂人的他表示：「前兩年完全無諗過愛情方面嘅嘢，想擺多啲時間喺事業上面衝！」最近眼見身邊朋友開始成家立室，才萌生找個伴的念頭。
Sammy的演員形象深入民心，不過原來初入行時他想在樂壇大展拳腳：「入行嗰時冇做過戲，淨係識唱卡啦OK，咁就想以音樂去接觸呢樣嘢，輾轉入咗無綫藝員訓練班。2013年有自己第一隻歌，今年4月10號出我嘅首張個人專輯，對於一個歌手嚟講有隻hard copy嘅碟係好開心嘅！」至於會否角逐今年的新人獎，他表示待公司安排。
場地：TAPAGRIA