壽星志偉寸曾國祥愛換畫
曾志偉昨晚與同日生日的黃杏秀舉行生日會，圈中好友如李克勤夫婦、王晶、任達華、鍾鎮濤、袁詠儀、張學友等齊到賀，一早到場的志偉與兒子曾國祥受訪，透露日前赴雲南普洱辟穀，原定整個行程需花7天，但最後他完成了5天半便離開，更瘦了8磅。對於國祥笑指送個人給他做禮物，問到是否想快點飲新抱茶？志偉抵死謂：「一早冇預，佢成日都轉（女友）啦！（今日咁準時？）個女（曾寶儀）到咗，之後佢趕飛機走，我早飲早冧。」
而陳百祥（阿叻）則表示帶了支意大利酒王到場，阿叻更謂：「畀秀姑試吓好唔好飲，好飲就拎番嚟做代理，睇吓佢可唔可以令我再創一番事業。」任達華對於壽星公志偉揚言會飲少啲，他笑指會找機會偷拍，更估計志偉仍然會被人抬離場。