Alan呻妻管嚴 唔敢亂花錢
樂隊Mr.前晚在九展舉行音樂會，成員Tom的老婆及囝囝、Dash細佬及其子、樂隊Dear Jane主音Tim與老婆楊洛婷等人撐場，現場企滿歌迷，場面high爆。
Dash在台上講到幸運歌迷可以在騷後到後台看他們換衫，之後解釋只是見面，但歌迷已起哄大叫「除衫！除褲！」場面搞笑。身為「十億駙馬」的Alan受訪時談及早前換新車，他謂換車只因車太舊，又自爆錢銀交給老婆管理：「其實我搵返錢都係畀晒太太去管，我買乜佢都鬧，又唔係鬧，係監管，叫我唔好買貴。」Tom亦幫口撐Alan不會使老婆錢。問到其他成員可有唔抵得他做「十億駙馬」？Alan即呻謂反而羨慕其他成員可以出去玩，自己就要顧住頭家。