馬國明苦纏香香索吻

藝員馬國明、黃翠如、岑麗香、梁烈唯、阮兆祥與楊秀惠昨日在將軍澳電視城為劇集《為食神探》拜神，新劇集合多位女神包括岑麗香、黃翠如、朱璇等，男主角馬國明卻坦言有苦自己知：「我好慘，劇裏面個個都鍾意阮兆祥，連香香初頭都鍾意祥仔，我好辛苦先追到香香。希望同香香有咀戲啦，已經同監製要求咗。」馬國明又稱反正單身，不擔心與香香傳緋聞，還可帶挈情侶檔登台搵真銀。身為圈中「筍盤」的馬國明講到擇偶要求笑說：「外表就係靚女都啱，但拍拖就要睇吓溝唔溝通到。」

翠如食消夜增磅

揚言男友蕭正楠「愈肥愈愛」的黃翠如明顯消瘦不少，問到男友可有投訴？她笑說：「有呀，可能我啲脂肪去咗佢度，可能係前排拍韓劇瘦咗，到依家都未肥番，已經不停咁食消夜。」香香早前則主持《明星愛廚房》增磅，現已回復苗條的她說：「唔使刻意減肥，但係套劇好多美食，夜麻麻真係好難忍口。」

清減不少的岑麗香在劇中移情別戀。	黃翠如金雞獨立展示腳上「紋身」。	梁烈唯派帖邀楊秀惠飲喜酒。

唯唯擺酒望停廠

去年結婚的梁烈唯於下月29日，在洲際酒店筵開五十多席補擺喜酒，他笑說專程返公司派帖：「請咗好多同事，所以都使橫手同監製、統籌講調動吓，嗰晚希望可以停廠、停外景，因為每個星期都可以停一日。」唯唯喜帖設計得像登機證，他說：「自己好鍾意UFO，概念好似邀請大家登上太空船去參加一個不一樣旅程咁，現場都會設計到好似太空咁。」唯唯透露兄弟姊妹團陣容鼎盛各十六、七人，兄弟團包括袁偉豪、林盛斌，姊妹團有胡定欣及鄭希怡等。

文：影視組