鄺美雲怕陌生人示愛

前港姐兼珠寶商人鄺美雲昨日出席珠寶品牌活動,現場展示了獲得健力士世界記錄「最高價值結他」殊榮的鑽石結他,她為此結他由香港人雷頌德創造而感到驕傲,而一向擅於珠寶設計的她表示暫未有任何設計靈感來打破世界紀錄:「暫時都係設計啲畀大家平時可以用同佩戴嘅嘢,亦有諗過設計鑽石手袋,但驚會唔見同跌咗,我依家想整個鑽石相架,擺一張自己好獨特嘅相,但仲未有呢張相。」

她隨後自爆近來有人盜用自己的照片來建立facebook帳戶:「我依家取消咗個帳號啦,唔係驚人用嚟做不法行為,係對有啲唔識嘅人留言話好鍾意你覺得好奇怪。」