Bob（目及）仔「動L」吳若希冇拉褲鏈
藝人林盛斌（Bob）與吳若希（Jinny）主持的《至尊街頭魔法王》備受網民關注，昨日Bob更被發現在節目中疑對Jinny「動L」！Bob受訪時笑言：「冇印象，但嗰刻我係望住Louis（甄澤權），可能潛意識我係鍾意男人。」並在微博大方笑談此事：「哈哈，多謝各位網友咁有心，希望大家明白，有啲嘢，就算你點努力隱藏，始終，紙係包唔住火嘅！Louis，你可唔可以幫我變番細佢？」
母可轉普通病房
吳若希昨日約下午六時現身醫院，探望因踩單車受傷留院的母親，惟未知是否因心急探母而未拉好褲鏈！受訪時已拉好褲鏈的她，透露母親已拔喉，惟暫未能說話：「媽咪依家拔咗喉，要觀察多24小時，等佢學番自己呼吸同吞口水，同埋插喉太耐傷咗聲帶，要等佢復原。依家驚佢唔識自己呼吸，驚啲口水落咗肺度，但醫生話佢過晒危險期，只要呼吸冇事，24小時內冇大問題就可以轉去普通病房或腦科病院。」並謂母親要服用抗生素，以防器官受細菌感染。
{"拍攝時未覺異樣
對於Bob「動L」，Jinny用自己在節目中的「金句」回應：「好犀利！點解嘅？」並稱拍攝時未有察覺「異樣」！被網民斥詞窮的她更力邀大家教她說話：「因為我詞窮，好surprise嗰陣淨係會諗到呢啲，歡迎大家教我，我好受教。」無綫昨日公布節目收視，《至尊街頭魔法王》共收到17宗投訴，其中14宗投訴Jinny的聲音較吵耳，3宗投訴Bob表現誇張。
採：音樂組
文：專案組