李錦聯火起狂拍安德尊

藝人安德尊和廚師李錦聯這對「仇人」經常互寸,他們昨在節目《都市閒情》的煮食環節中發生「肢體碰撞」,火藥味濃!話說當時安德尊正試食肉丸,因一路講一路食而骾親,旁邊的李錦聯即「出手」用力拍打其背部圖幫他「落格」,力度之大連現場收音都清楚聽到「啪啪聲」。

記者分別聯絡二人了解可有「玩出火」?李錦聯昨接受電話訪問時笑說:「怕佢骾親咪拍囉,(怕嬲?)唔理啦,佢把口講嘢都唔會好,我都要同佢角力嘛!(真係仇家?)唔可以咁講,大家真情流露啫!」而安德尊則大方表示:「點會嬲呀!我任得師傅拍!」