蓋鳴暉 龔嘉欣抓麥包搵筍盤

蓋鳴暉、龔嘉欣、麥長青(麥包)等齊為無綫新劇宣傳,因麥包曾撮合陳豪、陳茵媺被喻為「金牌紅娘」,兩位仍是單身的蓋鳴暉與龔嘉欣即齊齊「出招」叫麥包介紹「筍盤」,麥包搞笑地回應:「無綫先係,叫無綫介紹啦!」

蓋鳴暉、陳豪、麥包、龔嘉欣等昨出席「畫出繽紛復活節」活動,並為無綫新劇《水髮胭脂》宣傳,多年前曾跟陳豪拍過《金牌冰人》的蓋鳴暉,大讚陳豪有了家庭和小朋友後,性格變得很開朗,令她羨慕!問到可有追求者?蓋鳴暉則直言:「無人追!不過我都享受工作!」由於她在劇中與陳豪與麥包有感情戲,談到感情問題時,蓋鳴暉不忘笑言叫身邊的麥包介紹筍盤!

25歲有真命天子

龔嘉欣對於同居好友姚子羚被傳與圈外人鄭子邦拍拖,她表示亦認識男方,覺得他經常行善是好人,再被追問下一度漏了口風:「睇見宋熙年和姚子羚依家都咁sweet!」

好友有着落,仍然單身的龔嘉欣就自言不急拍拖,因有相士預言她25歲才出現真命天子,距離現在還有半年期限,眼見麥包在場,即發功叫對方「做嘢」,先後被蓋鳴暉及龔嘉欣「欽點」,麥包不禁笑言:「我唔係紅娘,無綫先係,叫無綫介紹啦!」

文:影視組