婷婷冇得演妓女嘆可惜
藝人謝婷婷前晚出席活動時，與全球排名前50名的國際知名舞孃Medianoche合照。問她有否觀看過艷舞？她自爆說：「之前有傾過一套電影，係一個妓女角色，需要跳艷舞嘅，但最後推咗。（點解推咗？）唔係我推o架，好可惜，我其實好期待做呢個角色，但有好多其他因素而做唔成，套戲好血腥嘅，不過我就好鍾意！」
婷婷透露曾學芭蕾舞及爵士舞，亦很有興趣學跳艷舞，她說：「我覺得女人係應該要識跳舞，但都需要一個男人帶住嘅，呢個人就係我爸爸（謝賢），同埋我覺得有佢帶住我跳舞係最好o架。」另外，目前單身的她透露復活節將留在家中下廚。