對於拍攝時如何避免遇到鬼怪事，堪輿學家麥玲玲寄語演員除了隨身攜帶護身符，亦要謹慎自己的言行：「可以袋定啲平安符或者太歲符喺身，有宗教信仰嘅就袋啲同自己信仰有關嘅物件，等自己嘅正能量多啲，喺心入面講『唔好意思』、『有怪莫怪』等嘅說話等自己個心定啲，同埋去到啲比較猛嘅地方，例如古裝街或者荒山野嶺嗰陣，唔好亂衝亂撞，唔好刻意做挑釁行為，好似踩墳頭咁。如果遇着啲猛嘅日子好似七月十四咁，就拜多一兩次神，咁就唔會有事。」
