馬詩慧壓力大 逼子陪跑

一眾星爸星媽昨日帶同子女齊參加慈善馬拉松跑,親子兼行善,其中名模馬詩慧(Janet)的兒子王躍穎(Kadin)大爆被媽咪威逼出席,更直言跑步時不會等媽咪,實行終點見,令一心找兒子陪跑的Janet,打錯如意算盤。

昨日馬詩慧、歌手蘇志威、藝人陳倩揚、前無綫新聞之花趙海珠等分別帶同子女出席慈善跑,各人一大清早於迪士尼樂園度假區集合,問Janet是否常常跟兒子Kadin一起做運動?她笑言:「唔係,大家唔好望我,我有練吓跑,不過痛咗幾日。今日好大壓力,咁早起身,又要跑咁遠。」身旁的Kadin則大爆:「今日係媽咪叫我一齊嚟,佢逼我嚟。(一陣會唔會等佢?)唔諗住等,喺終點等。」Janet即說:「佢要照顧我,頭先搭車入嚟,覺得搭咗好遠都只係一公里。」

蘇志威帶女練氣

蘇志威以活動大使身份帶同快將8歲大的細女出席,他說大女經已16歲,有自己的天地,難得細女還肯跟他,他指細女亦受他感染喜歡做運動,特別是行山,因蘇老闆即將做演唱會,昨日正好順便練氣。

陳倩揚孭仔出賽

陳倩揚與老公帶同兩名囝囝出席,細仔只得兩個月大,倩揚孭着他跑,最後也能完成三公里賽事,她說:「囝囝只得15磅重,一啲都唔辛苦。」已逐步復工的她下星期將拍兩個廣告。同場還有前「天氣小姐」黃婉曼,笑言拒做肥胖人妻,趁夏天來臨前跑步當減肥,又說造人大計將延遲:「可能老公照顧我一個已經煩,唔想湊多個,所以佢『褪軚』遲啲先。」

文:名人組