鍾嘉欣籲將心比心

鍾嘉欣昨到科學園出席慈善步行活動,為有需要的家庭及小朋友籌款,提到吳若希(Jinny)母親受傷,與Jinny屬同一唱片公司的嘉欣表示兩人不算太熟,但都戥她擔心:「希望Jinny媽咪盡快好番,意外唔知幾時嚟,所以要做好保護措施。(有網民拎呢件事講笑。)唔可以開呢啲玩笑,不能接受!要諗吓如果係你媽咪出意外,你會點呢?做人要將心比心。(點睇Jinny爆粗還擊?)我冇睇到咁深入,相信佢呢排壓力好大。」

活動上嘉欣很受小朋友歡迎,問可有生B計劃?她說:「未有呢個衝動,覺得仲有好多小朋友要我哋幫,或者儲吓經驗先,希望將來做個好媽媽。」