朱紫嬈遭舊愛動粗

歌手朱紫嬈（Chloe）和天堂鳥昨日出席關愛活動兼唱主題曲，宣揚「大大聲說我愛你」。問Chloe可有向男友大聲講「我愛你」？Chloe詐傻說：「吓，邊個男朋友？（同你去旅行嘅洪杰？）我哋成班人去o架，唔係兩個人。」提到林欣彤疑似被前度男友動粗，Chloe稱試過被以前男友狠狠推撞過，撞到頸動彈不得。現男友洪杰比較溫文？Chloe避忌說：「吓，邊個洪杰呀？（你咁講人哋好傷心？）咁洪杰係一個好nice嘅男仔嚟，好好嘅人嚟，我都會揀啲好人做朋友嘅。」