無辜捲台灣賣淫案 陳靜儀：非常委屈

台灣有消息指名道姓指香港四名o靚模涉捲入一單賣淫案，台灣警方已介入調查，據知四名o靚模疑被人盜用相片於色情網站作招徠，其中一位被無辜捲入事件的「模媽」陳靜儀（Mia），昨日接受電話訪問時，她即呼冤指自己硬啃死貓：「我覺得非常無辜，呢隻死貓我點都食唔落，估唔到一幅相咁就被牽連。有人以為我係o靚模又要養家，就用奇怪方法搵錢，但我唔會咁做，我依家仲考緊金融投資嘅牌照，話我值5萬台幣？我一日上落（指投資）都唔只呢個數，我覺得非常委屈！」