張舒雅專心設計唔再hea

珠寶設計師張王幼倫前晚出席餐廳開幕活動時透露,正忙於籌備她創辦的慈善基金於5月舉行的活動,她說:「會喺君悅酒店舉行,喺晚仙姐(白雪仙)都嚟,仲有新成員,包括劉嘉玲、導演許鞍華,我邀請咗好多朋友加入。」

此外,同場還有已一段日子沒公開露面的前港姐冠軍張舒雅,談到近況,她說:「依家幫家人做珠寶生意,我負責珠寶設計,希望遲會有自己嘅系列。(有冇拍拖?)依家冇,我唔想拍拖住,都有好多朋友陪。(你以前戀愛大過天?)以前吖嘛,都過咗幾年,同埋自己都未照顧好自己,唔想麻煩人,自己一個都好開心。」