黃美棋被問價：好嬲呀！

擁有大批粉絲的黃美棋，平日會在社交網向大家分享生活點滴。上周天氣仍冷，美棋在instagram上載一張便裝自拍照，並向粉絲作溫馨提示：「今日天氣涼咗好多，記得要着多件衫。」之後有人用猥瑣和露骨字眼留言向美棋問價，更厚顏地叫美棋私信他詳談。

籲尊重別人

美棋一見留言即「Cap圖」上載微博，並火爆留言：「好嬲呀，這些話已構成性騷擾！麻煩不要在我的instagram留這些留言，請尊重自己，尊重別人！」並將該段留言刪走。對於美棋被性騷擾，其經理人表示：「美棋嘅粉絲一向好好，遇到呢種情況當然好嬲同覺得受侮辱。」

美棋昨現身電台，心情明顯未受影響的她透露近日的工作：「最近玩緊一個叫『一日一任務』嘅Project，係想喺網上收集大家提議啲不可能任務，然後我嘗試做到佢，兼拍片分享上網。」

敷面膜行街

至今美棋試過用腳飲奶、倒立食杯麵及15秒內食15粒棉花糖，她笑說：「雖然好無聊，但網上反應好好，最近我食棉花糖挑戰失敗咗，即將會接受網民提議嘅找數方法，就係敷住面膜喺尖沙咀行街。」她目前仍屬自由身，但已洽談簽新經理人公司，預計下月會公布。

文：音樂組