緋聞一籮籮的前港姐蔡思貝被指與舞蹈指導麥秋成撻着後，於去年聖誕節傳因密密放電遭男方狠飛。昨日思貝否認與麥秋成的緋聞，更以同劇的溫家偉等作「擋箭牌」，她說：「我不嬲都係單身，冇話過拍拖，乜唔係話我同溫家偉、周志文咩，哈哈。」她又透露仍有向麥秋成學跳舞：「唔會尷尬，佢都算係半個圈內人，認識圈內運作，唔會覺得係咩大件事。」提到被指借賭療情傷，思貝表示：「去拜年十蚊玩吓啫！」
