蔡加讚愛私隱高 Alice B.勁冧調酒師
「Djiboutii」開業只短短兩個多月，但已成為圈中藝人及名人聚腳地，「玩具大王」兒子蔡加讚、甘國亮及周立璟等早前亦有出席餐廳開幕活動。加讚大讚餐廳選址夠私隱，環境及裝修也非常特別：「知道老闆花咗好多心機同時間喺世界各地搜羅啲擺設，特別鍾意飲佢哋嘅Cocktail，有時間都會帶太太（汪圓圓）同朋友嚟，因為私隱度夠高，亦都好適合同客人會面。」此外，還有很多名人明星和模特兒都愛到Djiboutii放鬆一下，混血模特兒Alice B.、Jocelyn與丈夫Anthony、吳嘉龍、陳瑞瑩（Helena）、馬拉松十公里冠軍勞証顯（Ivan）以及Fox International Channels（Asia）Director Andrew White等都是捧場客。
吳嘉龍：雞尾酒有特色
Alice B.表示每星期都會到Djiboutii，深深被這裏的熱鬧氣氛和Relax的氛圍吸引，她說：「呢度已經成為我嘅新蒲點，我啲朋友都好鍾意嚟，就算唔使特登約，我嚟親都會見到我啲朋友。呢度啲Cocktail好好味，好特別，賣相都好靚，同埋呢度啲嘢食都非常好味，次次都食唔停口。仲有，調酒師Sebastian Roberts好Cute，係我鍾意嘅類型，佢調酒時個樣好Hot。」而靚女Alice B.上周五到Djiboutii時就惹來一外籍男士大獻殷勤。吳嘉龍則透露與Djiboutii老闆初入行時便認識，很喜歡調酒師精心調製的特色雞尾酒，更是第一位掛上鐵鎖的客人：「我都經常會嚟，一坐低調酒師就好清楚我想飲咩，亦會好熱情咁歡迎我。」
Helena：好多美食
Helena則說：「第一日開業時我已經掛上鐵鎖，掛上後覺得生活上嘅緊張得以抒發，我同男友一星期至少會嚟一次，因為餐廳散發好多正能量；有好多好嘢飲，好多好嘢食。」而Ivan則表示一星期會到Djiboutii兩次：「除咗夜晚會嚟飲嘢，Lunch都會嚟食嘢，最鍾意飲DjBluTea同埋食佢哋嘅Roast chicken，好味得來又獨特。」
